Euskarazko kazetaritzaren XXVII. Rikardo Arregi Sariak banatu dituzte

XXVII. Rikardo Arregi Kazetaritza Sariak banatu dituzte eta sari nagusia Julen Iriondok jaso du Goienan egindako Jon Salaberriri buruzko dokumentalagatik. Kazetari gaztearen saria, berriz, Samara Veltek jaso du Eskoziako erreferendumari jarraipena eginaz Berrian argitaratutako artikulu eta elkarrizketa sortagatik.

Epaimahaiko kideek adierazi dutenez, aurtengo edizioan kalitate altuko lan asko jaso dituzte. Horregatik, ohiko sari nagusiaz eta kazetari gaztearen sariaz gain, beste bi sari berezi eman dituzte: Mikel Ibargoienek jaso du sari berezietako bat. Honek, Info7 irratian Kirol leihoa saioan hasitako bidea Gaur 8ko orrialdeetara ekarri du emakume kirolariei presentzia eta ahotsa emanez. Beste sari berezia Iñigo Astizentzat izan da Berrian pasa den udan argitaratutako “Kantuan diren lekuak” sortagatik.

This site is registered on wpml.org as a development site.