\n\tBederatzi kale emanaldi izango dira uztailean Lasarte-Orian. Maite Iglesia Kultur zinegotziak eta Juantxi Ugarte kultura teknikariak ekintzen berri eman dute.<\/p>\n
\n\tOkendo Zinema taldeak emango dio hasiera udako egitarauari. Okendo plazan bi zinema saioz gozatu ahalko da. Ostegun honetan, uztailaren 5ean, Sing Street<\/em> filma ikusi ahalko da. Uztailaren 19an, berriz, La Tortuga Roja<\/em> izango da. Saioak 22:15ean hasiko dira. Eguraldi txarra eginez gero, Elizatzeko estalpean eskainiko dira filmak.<\/p>\n \n\tAdin guztiei zuzendutako antzerkiak ere eskainiko dira Okendo plazan. Uztailaren 6an, ostirala, 19:00etan, Hortzmuga taldeak Jule<\/em> lana antzeztuko du. Uztailaren 12an, osteguna, berriz, Babo Royal<\/em> ikuskizuna ikusteko aukera izango da Ganso&Ciari esker. Hurrengo egunean, Eidabe taldeak Txapela buruan eta dantza munduan<\/em> lana eskainiko du, 18:00etan. Kalea antzerkia bultzatuz ekimeneko ekintza hauek Eusko Jaurlaritzak lagundutakoak dira.<\/p>\n \n\tDantzak ere izango du bere tartea. Sagartu<\/em> ikuskizuna eskainiko dute HIka Teatro eta Oinkari dantza taldeek uztailaren 20an, 19:00etan. Emanaldia Lasarte-Oria dantzan ekimenaren barruan dago.<\/p>\n \n\tUdal ordezkariek eguraldia lagun izatea espero dute eta ekintza guztiak aurrera eramaten saiatuko direla aipatu dute agerraldian.<\/p>\n \n\tHonez gain, uztailaren 26an, Santa Ana eguna ospatuko da. Ttakun kultur elkarteak antolatzen duen egun honi amaiera emateko, parodia umoretsua eskainiko da.<\/p>\n \n\tOspakizun horrekin lotuta, XXXIV. Santa Ana azoka antolatuko da uztailaren 22an, igandea. Urtero legez, Sendoki taldeak artisau lanen erakusketa egingo du eta bi tailer izango direla aurreratu dute: bata nylon lanak eta bestea uraren bidez imprimatzea.<\/p>\n \n\tBestetik, Karmengo Amaren egunean, uztailaren 16ean, Oriako jaiak egingo dira eta uztailaren 29tik 31era, San Inazioetako egitaraua antolatu dute Basaundi Bailaran.<\/p>\n \n\tAzkenik, ezin dira ahaztu larunbatero auzoz auzo egingo diren ipuin kontalari eta tailerrak.<\/p>\n