Zer egiten du ostruka batek arrainontzi batean?

Ba al dago denon bistan egon eta ezkutatzea baino gauza miserableagorik?

Derrigorrezkoa al da belaunaldi bat hiltzea hura omendu ahal izateko?

Asko hitz egin izan da gazteoi buruz. Millennialok oinordetzan hartutako erantzukizunak kudeatu ezinean gabiltzanaren diagnosia jaso dugu. Ondorengo hitzekin definituak izan gara: infantilak, prekarioak, frustrazioari intoleranteak, grinarik gabeak, bizitzan galduak, gainformatuak. Ados, sintomatologia guzti hori geure gainean zamatuko dugu. Gure belaunaldiaren etiketen jabe bihurtuko gara.

Baina zer daukagu guk esateko?

Zer espero da gutaz?

Nor gara gu?

Ikerketa hau ez da autopsia bat, ez da erretratu bat, ez da selfie bat. Formol Laborategiaren lehen Albuma da. Antzezleak: Intza Alkain, Edurne Azkarate, Mikel Ibarguren           Konpainia: Formol Laborategia

25 urtetik beherakoek gonbidapena jaso dezakete Haur eta Gazteria Sailean (Aristizabal, 7) 9:00-14:00 (gonbidapenak agortu arte).