Hizlaria: Alazne Arruti Bengoetxea, Nafarkoopeko Bulego Teknikoko Ingeniaria.

Energia guztiona eta guztiontzat izatea nahi dugu. Besteen menpeko bezero huts izan beharrean, gero eta herri gehiagotan, ekimenak abian jartzen ari dira energiaren kudeaketan burujabe izateko asmoz. Energia-Komunitateak: pertsonak, enpresa txikiak, elkarteak eta tokiko erakunde publikoak biltzen dituen erakunde juridikoak dira; elkarrekin, energia berriztagarriak (elektrizitatea, beroa eta hotza), eraginkortasun energetikoa, mugikortasun jasangarria eta abar sustatzean oinarritutako jarduerak garatzeko helburua dutenak; hori guztia gertuko onura soziala, ingurumenekoa eta ekonomikoa bilatuz.