​​​​​​​Irulegiko azternetegian Aranzadiko arkeologoek gidatua.

Bertan Burdin Aroko herrixkaren hiru etxebizitza eta kale nagusia erakutsiko dira.Gainera, udaran zehar arkeologoak lanean dauden bitartean bisita egiteko aukeraeskaintzen dugu. Herrixkaz gain, XV. mendeko nafar gaztelua bisitatzeko aukera ereegongo da, guztia Aranzadiren arkeologoen eskutik.

Behin Irulegiko aparkalekura iristerakoan, bisita gidatuak 2 ordu eta erdi inguru iraunen du ,baino taldearen erritmoa eta haren mugikortasunaren arabera luza daiteke. Bisita Irulegi mendiaren tontorrean amaituko da, gazteluan,eta handik jaitsiera librea izango da (35-45 minutu).

Mugikortasun murriztua duten pertsonentzat egokia da?

Kontuan izan oinezko ibilbidea Irulegi mendiko bide eta bidexketan zehar eginen dela eta malda handiko tarteak izanen dituela. Gainera, gailurrera igotzeko 150 eskailera daude. Horregatik, bisitaldia ez da egokia aniztasun funtzionala eta/edo mugikortasun murriztua duten pertsona batzuentzat.

12 urtetik beherakoentzat egokia da?

Bai. Bisita gidatua adin guztietako haurrentzat aproposa da. Hala ere, gure arkeologoen azalpenak ulertzeko, gutxieneko adina 8 urtekoa izatea gomendatzen dugu.

Oinetako egokiak eraman behar dira.

Hamaiketakoa eta edaria eramatea komeni da.

Eguraldi txarra eginez gero, nola egingo da bisita?
Eguraldia ona bada, euririk egiten ez badu, bisita gidatua aire zabalean egingo da, eta
arkeologo taldea indusketa lanetan ikusteko aukera izango duzue. Eguraldi txarra
eginez gero, bisita gidatua Gongorako Zarra Jauregiko Interpretazio Aretoan
eginen da. Bertan arkeologia taldearen eta laborategi lanen azalpena eskainiko dugu.
Tartean, 2024ko kanpainan ateratzen ari diren piezak ikusteko aukera izango da.
Bi kasuetan abiapuntua ez da aldatuko (Ilundaingo aparkalekua izanen da).

Prezioa: 5 euro Izen ematea: Biteri kultur etxea