Mikel Etxaburu, Nerea Zuloaga, Jon Gardoki eta Irina Álvarez

Manttalingo alaba izen bereko poema liburuan oinarritutako emanaldia da. Kantu bihurtu ditugu liburuko poemak, musikaz eta ahotsez jantzi ditugu hitzak. Emanaldian zehar gure herria zeharkatu eta zartatu zuen gerra zibileko girora hurbilduko gara garaiko melodien bidez. Mikel Etxaburu ondarrutarraren Manttalingo alaba poema liburuak Arabako Ernestina de Chanpourcin 2023 saria irabazi du. Argitaratutako beste lan batzuk: Zu zara orain txoria (2011), Hodeiak zapatetan (2014), Lo zaudela zabaldu dizkizut begiak (2016), Ahaztu baino lehen, ama (2021).