Santixabeletako Jai Batzordeak “Nork botako du txupinazoa?” ekintza jarri du martxan. Santixabel jaien hasiera ekitaldian nor omendu erabakitzeko herritarren proposamenak jaso nahi dituzte bertan. Proposamenak maiatzaren 23a baino lehenago helarazi behar dira kultura@usurbil.eus helbidera. Bestela, Sutegi liburutegian, Oiardo Kiroldegian, Potxoenea Kultur Etxean eta Usurbilgo Udalean jarri diren gutunontzietara ere zuzenean ekar daitezke. Nahikoa da orri batean proposamenaren berri ematea.