Maiatzeko ekitaldien berri eman dute:
Maiatzak 11 ostirala, mahaingurua Potxoenean
Ostiral honetarako, jarduera fisiko autogestionatuaren inguruko mahaingurua iragarri dute. 22:00etan, Potxoenean. “Herrian dugun aisialdia eta kirola izango dira eztabaida gai, hutsuneak topatu eta dinamika berri bat sortzeko asmotan”, aditzera eman dutenez. “Honetarako, beste herrietako esperientziak izango ditugu lagungarri, Kanika (Hernaniko aisialdi taldea) eta Karrikan (Gasteizko Jarduera Fisiko eta Kirolen Zientzien fakultateko talde kritikoa) taldeko lagunak, herriko beste eragile batzuekin batera”.
Maiatzak 19 larunbata, Mihiluze saio bat
Maiatzaren 19an larunbata, Mihiluze saio bat egingo dute. 19:30ean Askatasuna plazan, “herrian euskarak bizi duen egoeraz hausnartzeko”.
Maiatzaren 25ean, solasaldia Sutegin
Usurbilgo artixten solasaldi batekin amaituko dute maiatzeko plangintza. “Aurretik aipatutako dinamika guztiak bezala, honako hau ere herritar guztientzat bideratua dagoela garbi utzi nahi dugu, guztiok barruan daukagun artixta azaleratzeko asmotan”. Solasaldiaren ostean Andoni bakarlaria arituko da Sutegi kanpoan.
Maiatzaren 18an, kafe tertulia berri bat
Horrez gain, Kafe Tertulia dinamikak ere aurrera jarraitzen du. Orain arte herriko emakume gazteak biltzen egon dira gai ezberdinen inguruan hitz egiteko, eta hilabete honetan Emakumea eta sexualitatea atala jorratzeari ekingo diote. “Hortaz, maiatzaren 18an 22:00etan emakumeoi sexualitatearen inguruan ezkutatu diguten informazioaren inguruan murgiltzea izango da asmoa. Interesa duen emakume oro gonbidatua dago saiora”, Usurbilgo Gazte Mugimendurik aditzera eman dutenez.
*Iturria: Noaua
