Museo irekia
Usurbil beti izan da Euskal Herriko kultur-gune erreferentzialetako bat eta bere lekua irabazi du Euskal Herriko kulturaren mapan. Usurbilera baldin bazatoz bere kaleetan murgiltzea eta paseatzea nahikoa izango duzu edonora eta begiratu eta artelan bat aurkitzeko. Kalean, plazetan, hormetan… Lehengo zein oraingo izen handiko sortzaileen lanak eta ondare aztarnak non nahi izango dituzu zure begiradaren zain. Jose Luis Zumetaren murala ikusgarria eta txoriak, Remigio Mendibururen Udarregiri omenaldia eskultura, Irantzu Lekue, Judas Arrieta eta Axpiren muralak, … gida baten laguntzaz ezagutu ahalko dituzu artelan gutzi hauek ordubeteko bisita gidatuan.
Herritik bisita gidatua egin ondoren Zumeta estudiora joango gara furgonetan. Bertan Usoa Zumetak espazio paregabea azalduko digu.
Guztira bi orduko iraupena izango du Museo Irekia eta Zumeta Estudioaren bisita gidatuak.
Irteera Sutegi Udal Liburutegia
Gehienezko bisitari kopurua 14
Prezioa 18 urtetik gora 5,00€ , 18 urtetik behera doan.
Aldez aurretik izena ematea derrigorrezkoa da. Erreserbarik gabe, ezin izango da bisita gidatuan parte hartu.
Hizkuntza euskaraz