Nor naizen baneki
Nor naizen baneki… Zuk ba al dakizu? Jakin nahi zenuke? Nork bere buru ezagut dezake isolatuta, norberaren ingurunea ezagutu gabe? Nola jakin, zinez, zarena zarela? Ez ote da antzerkia gogo indusketarako tresnarik eraginkorrena? Artedrama eta Axut! taldeen proposamen eszeniko berria, Harkaitz Canok eta Ximun Fuchsek idatzia. Antzoki baten indusketa arkeologikoa egin, eta historiaren hainbat geruza ateratzen dituzte lurpetik, aurkitutako objektuen eta hura zeharkatzen duten pertsonaien bidez.