Mugikaria aplikazioak Donostiako Zinemaldiaren atal berezia jarri du martxan eta bertan Xabier Mendiguren Elizegik egindako jarraipena agertuko du. Elizegik 11. urtez egingo du Sail Ofizialaren jarraipena Sustatun.
Mugikaria aplikazioan, ezker-menuan klikatuz aurkituko duzue Zinemaldia atala. Oraindik ez daude Elizegiren kronikak hor, baina aurre-ikuspenekin argitaratu diren hiru blog sarrera jarri dira (cc-by lizentzia libreekin argitaratuak):
- Mikel Garciaren 5 gomendio (Argia)
- Gaizka Izagirren "B aldeko proposamenak" (Argia) sorta konpletotik, euskal zineari dagozkionak.
- Iñaki Ortizen gomendioak Kulturaldian, bide batez euskaratu egin ditugunak.