Pasa den igandean, urriak 2, jaso zuen Andoaingo Aita Larramendi Ikastolak 2012ko Kilometroak festa antolatzeko lekukoa Azpeitiko Ikastola Ikasberriren eskutik. Lekukoa Azpeitian jaso zuen Aita Larramendi Ikastolak Kilometroak 2011 jaiaren hasiera ekitaldian, eta arratsaldean Andoaingo Ikastolako ikasleek, gurasoek eta herriak orokorrean, ongietorria egin zion lekukoari.
Duela 22 urte ospatu zen azkeneko aldiz Kilometroak jaia Andoainen. 2011ko azarotik aurrera urtean zehar erabiliko diren logoa eta leloa zehaztuko dituztela adierazi dute jaiaren koordinatzaileek. Prentsaurrekoa, aurkezpen ekitaldia eta dendaren irekiera azaroaren bigarren hamabostaldian izango direla gaineratu dute.